Am vergangene Samschtig hemmer döfe üse 2‑Tägig Usflog gniesse. Ganz onder dem Motto “zäme simer stärcher” simer am Samschtig früeh metem Car rechtig Flomserbärg zoge. No Wend ond Schneestorm hed üs chönne vom Rodle abhaute. D Aupabfahrt vo Mels hed im Programm vo de Napfruugger natürli ned dörfe fähle. Nach diverse Speli ond Bierpongturnier am Abe hed de för de eint oder ander glich nochli schlof gä bevors de am Sonntig witer is Alpamare esch. Jedi Rotschbahn hed bestemmt mou en Napfruugger ufem Bogu gha. Schön eschs gseh. Eh rise Dank geit as Organisationsteam. Fotis vom Usflog fendet ier onder de Rubrik Fotis. Bes baud euchi Napfruugger Romoos.
